တော်လှန်ရေးနှင့် ကျနော့် အမြင်

ကျနော်တို့ စုစည်းဖို့ အချိန်တန်ပြီ

အမေရိကန်ဟာ ကိုလိုနီလက်အောက်ကလွတ်မြောက်ဖို့ အတွက် တစ်ပြည်နယ်ချင်း ကိုယ့်နည်းကိုယ်ဟန်နဲ့ တိုက်ခဲ့တာ နှစ်အတော်ကြာအောင်ဘဲလေအချိန်ကုန်လူပန်းပြီး ထင်သလောက်မှ မပေါက်ခဲ့တာ ဆိုလိုတာက တကယ့်မှန်တဲ့ လွတ်လပ်ရေး မရခဲ့ဘူးလေ တစ်ပြည်နယ်ချင်းရဲ့ လုပ်ပိုင်ခွင့် အာဏာတွေကို လျှော့ချပြီး ဖက်ဒရယ်အစိုးရ တစ်ခုဖွဲ့ပြီးတိုက်မှဘဲ အောင်မြင်မှုရခဲ့တာဟာက ကျနော်တို့ အတွက် အများကြီး အတုယူစရာပါ

ကျနော်တို့ တွေကရော ၁၉၆၂ နေ၀င်း အာဏာသိမ်းပြီးကတည်းက အာဏာရှင်တော်လှန်ရေး လုပ်ဆောင်လာခဲ့တာ အခုဆိုရင် (၄၆) နှစ်ကျော် (ကျနော် အသက်ရဲ့ နှစ်ဆနည်းပါးရှိနေပြီ) ရှိနေပြီ မအောင်မြင်သေးဘူး။ အဖွဲ့အစည်းအမျိုးမျိုး၊ တပ်ပေါင်းစုအဖုံဖုံ၊ လူမျိုးစု လက်နက်ကိုင်တော်လှန်ရေးအင်းအားစုမရှိဖူးတဲ့ လူမျိုးစုမရှိသလောက်ဖြစ်ပြီး၊ အဲဒါတွေအားလုံးဟာ ဖြစ်လာရင် ငါ့အရေး မဟုတ်ဘူး ဗမာကိစ္စ၊ ငါတို့နဲ့ မဆိုင်ဘူး တောင်ပေါ်နေတိုင်းရင်းသားတွေ အရေးဘဲ၊ ဟာဒါတော့ဖြင့် သူတို့ရဲ့ တပ်ပေါင်းစုကိစ္စ၊ ငါတို့နဲ့ မဆိုင်ဘူး စသည်ဖြင့် အဲ့ဒီလိုအမြင်တွေ၊ အယူအဆတွေ၊ ကိုယ့်နည်းကိုယ့်ဟန်၊ ကိုယ့်ရဲ့ လုပ်ပိုင်ခွင့်၊ ရှင်းရှင်းပြောမယ်ဆိုရင် ကိုယ့်ရဲ့ အာဏာ အစွဲတွေနဲ့ဘဲ ကိုယ်လုပ်ချင်တာဘဲ ဆက်လုပ်နေဦးမယ်ဆိုရင်တော့ ဘယ်တော့မှ အောင်နိုင်မှာ မဟုတ်ပါဘူး။

အသက်၊ သွေး၊ ချွေးတွေ အများကြီးပေးဆပ်ပြီးဆင်နွဲခဲ့တဲ့ တော်လှန်ရေး၊ လူထုအုံကြွလှုပ်ရှားမှုတွေလည်း အကြိမ်ကြိမ် အခါခါပါဘဲ။ နောက်ဆုံး ဘာသာသနာအတွက် လုပ်ဆောင်နေကြတဲ့ ထေကြီး၊ ၀ါကြီး ဆရာတော်ကြီးတွေနဲ့ ရဟန်း၊ သံဃာတော်ကြီးတွေတောင်မှ မနေတာတော့ဘဲ လူထုတွေအတွက် အသက်ပေးစတေးပြီးဦးဆောင်လုပ်ဆောင်လာခဲ့ကြပြီ၊ အောင်မြင်မှု (နောက်ဆုံး) မှမရခဲ့တာဘဲ။ ဒါတွေဟာဘာကြောင့်လည်း၊ ကျနော်တို့တွေဘာလုပ်သင့်လည်း၊ ဘယ်လိုဖြစ်မှနောက်ဆုံးပန်းတိုင်ကိုရောက်မှာလည်း၊ ကျနော်တို့တွေ သိဖို့ လိုပြီ၊ သိသင့်ပြီ။ ကျနော်တို့ အတ္တတွေ၊ အာဏာတွေ၊ လုပ်ပိုင်ခွင့်တွေ၊ အမြင်ကျဉ်းတာတွေ၊ အစွဲတွေ အတွက်ဘဲ လုပ်နေကြတော့မှာလား၊ ဘယ်အချိန်မှာ ကျနော်တို့ စုစည်းကြမလဲ၊ ဘယ်အချိန်မှာကျနော်တို့ လိုချင်တဲ့ ဖယ်ဒရယ်ဒီမိုကရေစီနိုင်ငံတည်ဆောက်နိုင်ကြမလည်း၊ ဒီရဲ့ အမွေဆိုးတွေကို ကျနော်တို့ရဲ့ မျိုးဆက်သစ်တွေထိ ဆက်ပေးသွားဦးမလား၊ ကျနော်တို့ ဒါကြီးကိုအမြစ်ပြတ်အောင်လုပ်ဆောင်ဖို့ အချိန်ရောက်ပါပြီ။

ရန်သူလုပ်ဆောင်ချက်ဆိုတာ သူခြေလှမ်းတွေကို သိထားဖို့နဲ့ ကိုယ့်ခြေလှမ်းမမှာအောင်လို့ ကြည့်ဖိုအတွက်ဘဲဖြစ်တယ်၊ ကျနော်တို့ဟာ သူတို့ရဲ့ နောက်လိုက်မဟုတ်ပါဘူး၊ ကျနော်တို့ရဲ့  တာဝန်ဟာ သူတို့လုပ်ဆောင်ချက်တိုင်းကိုဆန့်ကျင်ရုံနဲ့ ပြီးပြတ်အောင်မြင်သွားတာမဟုတ်ပါဘူး၊ သူဘာလုပ်ရင်၊ ဘယ်လိုလုပ်လိုက်ရင် ကိုယ်ဒီလိုလုပ်လိုက်မယ်ဆိုတာတွေထက်၊ ကျနော်တို့ရဲ့  ကိုယ်ပိုင်မူ၊ လုပ်ဆောင်ချက်တွေနဲ့ တစ်စုတစ်စည်းတည်းမနားမနေလုပ်ဆောင်သွားမှဘဲ ပြီးပြတ်အောင်မြင်မှာ ဖြစ်ပါတယ်။ သူက စစ်အာဏာရှင်ချုပ်ကိုင်လို့ရတဲ့ ပြည်သူ့အရေခြုံ ရုပ်သေးအစိုးရပေါ်အောင်လို့ သူ့ရဲ့ မူဝါဒလမ်းစဉ်တွေနဲ့ လုပ်ဆောင်နေရင်၊ ကျနော်တို့ရော တကယ့်ညီညွတ်မျှတတဲ့ ဖယ်ဒရယ် ဒီမိုကရေစီ နိုင်ငံသစ်ဖြစ်ဖို့ ကိုယ့် ကိုယ်ပိုင်မူဟန်နဲ့ တစ်စုတည်း၊ တစ်လုံးတည်း လုပ်ဆောင်ရမှာပေါ့။

သူလုပ်ဆောင်ချက်နောက်ဘဲ လိုက်ပြီးဆန့်ကျင်နေတာမျိုးက အချိန်ကုန်ပါတယ်၊ ပုံစံမတူရင်ဆန့်ကျင်ပြီးတာဖြစ်လို့ သိပ်လုပ်စရာ မလိုပါဘူး လူထုသိအောင် နိုင်ငံတကာသိအောင် ပြောဆို တင်ပြစည်းရုံးတာမျိုးဘဲဖြစ်သင့်ပါတယ်၊ နိုင်ငံတကာနဲ့ ကျနော်တို့ရဲ့ အဓိကဖြစ်တဲ့ ပြည်သူလူထုကတော့ သူတို့အတွက် မျှတမှန်ကန်တယ်၊ လုံခြုံစိတ်ချရတယ်၊ အမှန်တကယ်ငြိမ်းချမ်းမှုရှိတယ်လို့ ယုံကြည်ရတဲ့ ဘက်ကိုလိုက်မှာဘဲ၊ ရန်သူကို အဓိကထားပြောစရာတောင်မလိုဘဲနဲ့ သူ့အလိုလိုကို (မဟန်မှန်းသိလာရင်) ကမ်းလှမ်းလာပြီး သူရဲ့  အသက်သာဆုံး နည်းလမ်းရှာပြီး လုပ်ဆောင်လာမှာဖြစ်တယ်။ အခုက ကျနော်တို့က သူ့နောက်ဘဲ လိုက်ပြီး ကန့်ကွက်နေ၊ ကမ်းလှမ်းနေ၊ ညှိုနိုင်းဖိုဘဲကြိုးစားနေတော့ သူပိုပြီး ဘ၀င်လေဟပ်ပြီး မှားမှားကြီးနဲ့ နိုင်ငံတကာနဲ့ လူထုကြီးကို သူတိုလုပ်နေတာတွေကဘဲ မှန်နေတရောင်ရောင်လုပ်တော့တာပေါ့၊ ဈေးကိုင်တော့တာပေါ့ ဗျာ။

ကျနော်တို့ အားလုံး နားလည်မှုရှိရှိနဲ့ တကယ့်စိတ်ရင်း စေတနာမှန်တွေနဲ့၊ ကိုယ့်ရဲ့ မာန်မာန၊ အတ္တတွေနဲ့ အယူစွဲအမြင်ကျဉ်းတာတွေကို လျှော့ချ၊ မေ့ဖျောက်ပြီး၊ အမေရိကန် ပြည်နယ်သားတွေလို တစုတစည်းတည်းဖြစ်တဲ့၊ တစ်ခုတည်းဖြစ်တဲ့၊ တစ်လုံးတအားတည်းဖြစ်တဲ့ အတိုက်အခံ အစိုးရတစ်ရပ်ဖွဲ့စည်း သင့်ပါပြီ၊ တအားတည်းဖြစ်မဲ့ ဖယ်ဒရယ် တပ်မတော်ကြီး တစ်ရပ်ဖွဲ့ပြီး ကိုယ့်မူ၊ ကိုယ့်ဟန်နဲ့ ရန်သူကို တိုက်သင့်ပြီ ပြည်သူတွေရဲ့ အရေးကိုထိထိရောက်ရောက် မညာတမ်း၊ မလိမ်တမ်း၊ ရိုးရိူးသားသား မှန်မှန်ကန်ကန် လုပ်ဆောင်သင့်ပါပြီ၊ အရှိန်ပြင်းတဲ့ လက်သီးဆုပ်ဖြစ်အောင် ကျနော်တို့လုပ်ဆောင်သင့်ပါပြီ။ ဘယ်အချိန်ထိအောင်ကို အယူကွဲနေကြမလည်း၊ ဘယ်ထိအောင် ကျနော်တို့ပြည်ပြေး ၀ရမ်းပြေးဘ၀နဲ့ မလွတ်မလပ်နေနေကြမလည်း၊ ကျနော်တို့စုစည်းဖို့ အချိန်ရောက်ပါပြီ ပေါင်းစည်းဖို့ အချိန်တန်ပြီ၊ ဒါမှ ကျနော်တို့ နိုင်ငံလွတ်လပ်မယ်လို့ တင်ပြဆွေးနွေး အကြံပေးချင်ပါတယ်။

ဖက်ဒရယ်ဒီမိုကရေစီ နိုင်ငံတည်ထောင်နိုင်ရမည်
အနာဂတ်လှပဖို့ အနှစ်နာခံနိုင်ရမည်
ကျနော်တို့အားလုံးရဲ့ ကံကြမ္မာကျနော်တို့ လက်ထဲမှာဘဲရှိရမည်

ရန်နိုင်
၁၄-၉-၂၀၀၈ (မနက် ၉း၃၉)



မေးလ်မှ တဆင့် ၀င်လာသော ဆောင်းပါတစ်ပုဒ်အားပြန်လည်ဝေမျှခံစားခြင်းဖြစ်သည်။